Vawiin chawhma dar 11:00 khan AH& Vety Department, Lunglei chuan AH& Vety Conference Hall, Farm Veng-ah NLUP-NEDP Convergence hnuaia trade pathum – Bawng vulh, Ar vulh leh Vawk vulh Beneficiary 78-te hnenah tanpuina 1st installment Rs. 30,28,580/- an sem.  Lunglei DC Pi Lalzarmawii, IAS chuan khuallian niin he tanpuina sem inkhawm hi a hmanpui. Chawhnu lamah beneficiary kalkhawmte chu training neih pui nghal an ni bawk. 

Pi Lalzarmawii chuan Mizoram Sawrkarin NLUP a kalpui mek chhunzawm zelna tur leh awmze nei leh changtlung taka hmasawnna kan neih theihna turin New Economic Development Policy (NEDP) chu duan chhuah a ni, a ti a. NEDP thil tum lian ber chu mahni kut ke ngeia eizawnna kawng dap thiam entrepreneurs-te dawm kan a ni tiin Pi Lalzarmawii chuan beneficiary kalkhawmte chu taima tak leh thahnemngai taka an tanpuina dawn hmang tangkai turin a fuih a. NLUP-NEDP Convergence chungchang sawiin Mizoram puma beneficiary 1500-te zingah  Lunglei District-ah beneficiary 254 thlanchhuah an nih tur thu a tarlang bawk. 

Training hawnna inkhawm hi Dr.Vanlalbuanga, DVO, Lunglei-in a kaihruai a. NLUP-NEDP Convergence Scheme hi NLUP pangngai zulzuia kalpui tura ruahman niin Installment hnih (2) a sem tur a ni. He Scheme vil (monitor) tur hian NLUP ang bawkin District Level leh Village Level NLUP Committee-te chu a Monitoring Committee an ni nghal a ni. 

Vawiin tanpuina sem hi Rs. 30,28,580/- niin  NLUP-NEDP Convergence hnuaia Trade pathum beneficiary te pek dan chu a hnuaia tarlan ang hi a ni: 

Sl No

Trade

Details

1

Bawng Vulh (Dairy Cow Farming)            

Beneficiary 4 awmin Rs.20,000/- theuh 1stInstallment-ah pek an ni. Ran in sakna atan a ni.

Total – Rs 80,000/-

2

Ar Vulh (Poultry Farming)           

Beneficiary 17 awmin 1st installment-ah Rs.52,740/-  theuh pek an ni. Hei hi Ar In sakna tur, Ar note 100 leina tur, Ar chaw leh tuizem leh damdawi leina tur te a ni.

 

Total – Rs. 8,96,580/-

3

Vawk Vulh (Piggery Farming)           

Beneficiary 57 awmin 1st installment atan Rs.36,000/- theuh pek an ni. Hei hi vawk in sakna tur leh hmanraw leina tur te a ni.

 

Rs. 20,52,000/-

 

Total

Rs. 30,28,580/-

 

 

Attachment

  • Loading attachment...