Vawiin chawhnu khan YMA Sub Hqrs Lunglei leh Environment Forest Climate Change Dept. te tangkawp a buatsaih Awareness Campaign on Climate Change chu YMA Conference Hall, Venglai Lunglei ah neih ani.

Awareness Campaign on Climate Change hmanna hun hi Pu Ngurthansanga Sailo Secretary YMA sub hqrs Lunglei in kaihhruaiin Resource person Pu L. Lalhmingmawia Pachuau SEC chuan khawvel in a kan buaipui em em sik leh sa inthlak danglam na a mawhphurtu ber chu mihringte hi kan ni a ni ati. Sik leh sa inthlak danglam hian khawkheng, natna chi hrang hrang, lei al, kang mei,lui lian,leimin, thlai thar tlem leh nghawng dang dang a siam a ni.

Mizoram bik ah chuan pi leh pu te atanga tlangram a lo nei a ei zawng kan ni a, hunbi nei a ruah leh boruak kan dawn thin avangin buh leh bal thar kawng ah harsatna a awm vak lova a, kum 20 kal ta atang khan khawvel sik leh sa in thlak danglamna avangin ruahtui tlak dan leh khawlum leh vawt ten mumal an nei tawh lo va, hei hian kan thlai thar a tlem phah, thei that na hmun ah te thei a thar theih tawh lova, ram hmasawnna leh venhimna thlengin a nghawng ani. Tlangram lo neih hian thing leh mau tamtak kan ti chereu a, kan tui hna te a kang chat a, hei hian mihring nunphung ah  nghawng tha aiin thalo a thlen tam hle ani ati.

Mizoram khaw thenkhat ah Fall Army Worms a thlen na te pawh hi sik leh sa inthlak danglam vang ani. Nungcha te pawh inthlah pun hun bi a nei tawh loh thu a sawi.Sik leh sa inthlak danglamna  lo thleng hmachhawn tura inbuatsaih tura tan lak a ngai a, kan ei leh bar zawnna lo neih hi changtlung leh nghelnghet zawk a kalpui a, thing leh mau , nungcha te uluk leh duat taka enkawl a, ramngaw kan neih te venghima thingphun belh tura tan lak a ngaih thu sawiin ruahtui khawlkhawm leh bawlhlawh sawngbawl kawngah halral mai lova a tawi thei leh theilo thliar hrana sawngbawlna hmun a paih nise a ti.Sik leh sa inthlak danglamna kan hmachhawn mek hi mahni chauha sut kian theih ani lova, kan zavai a tangrual a do theuh turin kalkhawm te a chah ani.

Attachment

  • Loading attachment...