Mizote Kut ropui leh hriathlawh ber ‘Chapchar Kut’ chu Mizoram pumah March ni 7, 2014 khian hman a ni dawn a. Lunglei-ah ‘Chapchar Kut 2014’ hman dan tur relin vawiin khan Lunglei DC Conference Hall-ah Addl. DC Pu Lalhmachhuana kaihhruaina hnuaiah meeting nei a ni.

Vawiina meeting-ah chuan Chapchar Kut 2014 atana ruahmanna tul ang ang leh programme siamtu tur Chapchar Kut 2014 Organising Committee chu din nghal a ni a, Chapchar Kut 2014 chu Lunglawn Mual-ah hman turin relthluk a ni bawk. Vawiin meeting-ah hian Chapchar Kut 2014 Organising Committee Chairman-ah Pu K.Vanlalthiana, SDO(S); Co-Chairman-Pu Johnny Zoramthanga, President, Sub Hqrs. YMA; Secretary-Pu R.K.Lalawmpuia, A&C; Asst. Seceratry-Pu Thanghmingliana Renthlei, Gen. Secy MJA Lunglei; Financial Managers-Pu R.V.Nghaka, President, MCO leh Tv. Lalrinawma, Curator, A&C te ruat an ni.