3521/2022-2023

Lunglei the 7th February’ 2023 : Vawiin chawhnu khan Lunglei Bawrhsap Pi Ramdinliani, IAS kaihhruaina in DCs Conference Hall Lunglei ah Chapchar Kut 2023 hmandan tur meeting neih a ni. He meeting ah hian Head of Offices, YMA, MUP, MHIP, MZI, MCO, MCAA leh MJA te an tel a ni.

Meeting chuan Chapchar Kut hmanna turah Organising Committee din nise, member tur te pawh ruat tur sawiho a ni. Chapchar Kut hi C. Thuamluaia mual ah hman tur a rel a ni a, Kut hman hun chhung hi Organising Committee in ngaihtuah tur tih niin Kut Pa atan Agriculture Minister Pu C. Lalrinsanga nise Kut thleng tu ah Lunglei Deputy Commissioner nise, Chapchar Kut Organising Committee hmasaber chu ni 15 February ai tlai lovah koh tura tih a ni. Mizoram Sorkar in Lunglei a Chapchar Kut hmanna tur atan cheng nuai sarih (7 lakhs) pek a nih tur thu tarlan a ni a. MJA kaihhruaina in Chapchar Kut Miss thlan nise, Chapchar Kut Hraite thlan tura tih a ni bawk.

Meeting chuan Chapchar Kut ni ah hian Food Court leh Handloom & Handicrafts Exhibition neih tura tih a ni bawk.