Vawiin khan Lunglei ah pawh Chapchar Kut 2018 chu Thuamluaia mualah ropui tak a hman a ni. He hun hi Chapchar Kut Organising Commt. Lunglei ten Lunglei DC Kaihhruaina hnuaiah an buatsaih a,  Kut Pa atan Chairman, Mizoram Youth Commission Pu Joseph Lalhimpuia niin Kut Nu atan Lunglei DC Pi Lalzarmawii IAS chu hman a ni. 

Kut thlengtu Pu R. Lalnunthara, President, YMA Sub Hqrs. Lunglei in hun  a kaihruai a,  Kût Pa, Pu Joseph Lalhimpuia, Chairman, Mizoram Youth Commission chuan thu sawiin, hmânlai kan pi leh puten sa kawlh leh dorâl hmaa pasaltha kal chhuakte chawimawina an hman thin nîah hian, tun laia kan pasalthate chu mi lehkha thiam, mi rinawm, mi hlawhtling leh mi dangte tâna luang chhuak thînte an ni a. He Chapchâr Kût ah hian pasaltha huaisen, Mizoram chhûng leh pâwna hna thawk a, kan khawtual tihming thatu, ram leh khawtlângina kan thlamuanpui ni turin tan kan lak a pawimawh hle a ni a ti. MYC Chairman Pu Mâhima chuan, hetiang mi hlawhtling, ram tâna thlamuanna leh malsâwmna thlen thîntute chu sawrkârin chawimawina Nopui, sum leh paiah pawh lâwmman a sîng têlin teh meuhin chawimawi an inpeih thu a sawi a. 'Khawvêl Thar' a pasaltha chawimawina Nopui dawm a, Thangchhuah puan bâta, diar khim thei tûrin Mizo thalaite a sâwm a ni. 

Kut nu, Lunglei DC Pi Lalzarmawii pawhin thu sawiin Mizo ten kan kut neih hlu ber Chapchar Kut hi thang leh thar lo la kal zel tur te pawhin mizo leh nihphung an chhawmnun zel theihna ni zel tur a kan ngaih pawimawh zui a tul hle a ti a, Mizo hnam zia phochhuahna leh humhalhna a nih angin mipuiten kan hlut thiam a ngai a, kei nin kan hlut thiam loh chuan hnam dangin min hlut sak dawn lo a ni a ti. Pi Lalzarmawii chuan a sawi zel naah he kut hi zo fate inpumkhatna leh inremna ni atan hmang thei ila, zo hnahthlak min phurkhawmtu leh zai khata min luan tirtu ni zel thei se a duh thu a sawi bawk. 

Vawiina Lungleia Chapcharkut hmanna ah hian Pu K. Lalfakzuala Secretary Organising Commt. in kal khawmte lawmna thu a sawi a, Hlado chham, Zawipawl leh hnam lambakah malzai te entir a ni, UD&PA hmalaknain MUP General Hqrs. Lunglei Volunteer for Sanitation ten faina kawnga in zirtirna nipahfawmin Kut hmanna Thuamluaia mual leh a chheh vel vilin bawlhhlawh an chhar khawm bawk a ni.

Lunglei a Chapchar Kut hmanna pual hian Lunglei Photographer Association buatsaihin Miss Chapchar Kut 2018 bakah Prince and Princess naupangte tan bik thlan a ni bawk.