Inrinni kalta 15.5.2010 Khan India Chhiarpui Vawi 15-na leh National Population Registration vawi 1-na chu Lunglei-ah pawh  neih tan a ni a. India rama chhiarpui hautak ber chu Lunglei District-ah pawh tan a ni ta a, DC Bungalow atanga tan a ni. He chhiarpui-a thawktute Enumerator, Supervisor leh Census Official te chu DC-in duhsakna hlanin thawhrimna, taihmakna leh fimkhurna nen an hna theuh hlenchhuak turin a chah bawk. He chhiarpui hi sawrkar tana thil tangkai a ni a, Kum 2001 Census ang khan tuna chhiarpui hian 2021 thleng a huap dawn avangin dik tak leh fel taka kan tih a ngai a ni, a ti. A sawi zelnaah DC chuan ram leh hnam hmasawn nan chhiarpui hian thui takin awmzia a nei thei a,India Census hi khawvel pawhin a thlir thup a, ram hmalakna an fak a, a lawmawm takzet a ni a ti.