Ni 19th September, 2014 (Zirtawpni) khan Lunglei DC Pu Ashish Madhaorao More hovin ama office chamber-ah 'Lunglei District Cleanliness Week, 2014' hmandan tur rel a ni.

Kumin 'Faina Hapta' chu October ni 2, 2014 atanga hman tur a ni ang a, a kharna chu October ni 9, 2014-ah Saikuti Hall-ah hman tum a ni. 'Faina Hapta' hawnna hi Lunglei khawpui chhunga Ward 24-ah hman tur a ni ang a, hei hi Veng tin YMA kutah dah tura rel a ni. Mipuite hnena a tan thei ang bera faina chungchang hriattir leh puanazar nan chanchinbu leh local cable TV kaltlangin thuchhuah nise tih rel a ni bawk.

'Cleanliness Week 2014' chhung hian hengte hi endik a ni ang a, lawmman pawh 1-na atanga 3-na thleng pek an ni ang :

1. Ward-wise Cleanliness Award

2. Primary Schools

3). Middle Schools

4). High School & Above

5). Offices (Govt & Non-govt)

6). Hotels & Restaurants

Cleanliness Week 2014 kharna inkhawm-ah hian faina chungchangah Lungeli Govt. College, JB College, HATIM leh Mizoram Polytechnic zirlaite tan 'Extempore Speech Competition' buatsaih nise tih rel a ni bawk a ni.

Attachment

  • Loading attachment...