Vawiin khan Thutak Nunpuitu Team (TNT) chuan an hmunpui Muanna Veng-ah Joseph Zosangliana leh Nl. Lalthalamuani Sailo Hriatrengna Volleyball Khawmpui Lian vawi 2-na, closing function an buatsaih a, he hun hi Assembly Deputy Speaker leh bialtu MLA ni bawk Pu R. Lalrinawmna’n khuallian niin a hmanpui a ni.

Pu R. Lalrinawma chuan Mizoram chhunga volleyball hmanga inelna lian ber ‘Volleyball Inkhawpui Lian’ TNT in a buatsaih thei hi fakawm a tih thu a sawi a. TNT hi Pathian in Pu Sangthankima hmangin a din a ni a, mi chhumchhia, ngawlvei leh chhungkua leh mipui nawlpui pawhin kan pawm theih loh te tuamhlawm a, enkawltute an a ni a. Hemi rawngbawlna avanga malsawmna hrang hrang an dawn te chu mahni mai a chen lo in infiamna lam a hma kan sawn theihna tur a volleyball inkhawmpui lian an buatsaih te hi midangte tan an entawntlak hle a ni, a ti.

Deputy Speaker chuan infiamna lama kan hmasawnna hi kan phak tawkah chuan chhuanawm tak a ni a. Sawrkarin theihtawp chhuahin hma a la a, a hlawhtlinna pawh kan hmu chho zel a ni, a ti a. Kan thalai te hian theihna in nei a, chu in theihna cho chhuak turin kaihruaitu tha, a ngaihna hria hruaitu an awm a ngai a, a ngaihna hria Chief Minister leh Sports Minister kan nei hi kan vannei hle a ni, a ti bawk.

Pu R Lalrinawma hian TNT hnenah volleyball 3, net pakhat leh pawisa fai chang 10,000 a hlan a ni.