Vawiin khan Minister Pu Lal Thanzara chuan Millenium Centre kawtah LED Advertising Board a hawng.

Pu Lal Thanzara chuan khawvel ram changkang tak taka an neih thin LED Advertising Board Mizoramah lakluh a lo ni ve ta chu lawmawm a ti a. Hmasawnna rahbi thar kaina chi khat a ni, a ti. Sumdawng te'n an bungraw phochhuah leh tihlarna remchang a nih bakah he LED Board hmang hian mipui hriattur pawimawh chi hrang hrang a tarlan theih dawn a, a chhawrtu mipuite'n a tichhe zawnga khawsa lova tangkai taka hman tum theuh turin Minister chuan a chah a ni.

He LED Advertising Board, Innovative Advertisement Agency te phochhuah hi R.R.Electronics siam a ni a. Pawnlam a hman chi Outdoor Led Board ah a quality sang ber chi a ni.Innovative Ad. Agency neitupa Pu Joseph K.Lalmuanpuia chuan sumdawngte thilzawrh tihlarna leh department hrang hrang hnathawh tarlan nan a tangkai theih a beisei thu a sawi a ni.