3499/2022-2023

Lunglei the 6th February' 2023: Vawiin chawhnu khan DC's Conference Hall, Lunglei ah Pi Ramdinliani, IAS, Deputy Commissioner leh Chairperson District Level Coordination Committee for National De- worming Day leh School Health Program (Ayushman Bharat) chungchang meeting neih a ni. Meeting ah hian Health Deparment, Women and Child Development Department, School Education bakah NGO aiawh te an tel a ni.

Chairperson Pi Ramdinliani chuan naupang kum 1-19 inkar ten rulhut an pai lohna turin rulhut hlo pek beihpui leh rulhutin a nghawng thalote inhrilhhriatna hun National De-Worming Day hman dan tur rel tur a lokal member te a lo lawm a ni.

Dr. Lalrinthangi, Senior Medical Officer, Lunglei chuan National De-Worming Day hman tawh dan tlangpui sawiin De-Worming Day hi naupang kum 1-19 inkar te hnenah rulhut hlo Albendazole pek thin a ni a,kumtin vawihnih an pek thin thu a sawi bawk.

Meeting chuan National De-Worming Day chu ni 10th February 2023 dar 11 AM ah hawnna hun hman nise, a hmun atan Adventish English School, Bazar, Lunglei, Khuallian ah Pi Ramdinliani, Deputy Commissioner, Lunglei nise tih rel a ni. Hemi ni vek hian Govt/ Govt Aided School, Private School. Anganwadi Centre, kum 1-5 Anganwadi Centre a hming ziaklo, naupang kum 6-19 inkar school kallo leh college zirlai te hnenah rulhut hlo pek vek tum a ni a, hemi ni a la hman lo te tan ni 17th February 2023 ah Mob Up Day ah pek leh tur a ni. Kumin 2nd round ah School 1046 a naupang 71200 te hnenah rulhut hlo pek tum a ni.1st round September 2022 ah rulhut hlo 96% pek a ni.

Meeting ah hian School Health Program (Ayushman Bharat)chungchang sawi hona neiin School Health Program hi Ministry of Health & Family Welfare leh Ministry of Human Resources Development te hmalakna ni a ni a. He hmalakna in a tumber chu School naupang te hriselna leh mipuitling ni tura kawng hrang hrang a zirtirna pek a ni. Lunglei District ah chuan Health Department leh School Education Department te hmalakna in School zirtirtu thlanchhuah te hnenah training pek an ni a, he training ah hian Module 11 a awm a ni. Zirtirtu training tawh te chu Health & Wellness Ambassador tih an ni a,HWA te hian School naupang an zirtir chhawng ang a, School tin ah Health & Wellness Mesenger 2, mipa 1 leh hmeichhia 1 module activities neih puitu tur  an thlang bawk ang.  Lunglei District ah School 243 tuam chhuah tum a ni.