700/2023-2024

Lunglei the 6th June' 2023 : Vawiin khan Lunglei Additional DC Pu Donny Lalruatsanga kaihhruaiin DC's Conference Hall, Lunglei ah Mizoram Legislative Assembly Election 2023 lo awm tura inbuatsaihna District Level Standing Committee thutkhawmna neih a ni. He hunah hian a kaihhnawih official ERO, AERO, Police, PHE, P&E, PWD, Excise, I & PR, YMA, MHIP, MUP leh Political Party hrang hrang aiawhte an tel a ni.

Pu Donny Lalruatsanga chuan Mizoram Legislative Assembly Election 2023 lo awm tura inbuatsaihna hrang hrang sawikhawm tura meting chu koh anih thu a sawi a. Lunglei District-ah inthlanna felfai leh muanawm tak kan neih theih nan ruahmanna thenkhat ngaihtuah a ngaih thu a sawi a ni.

Meeting chuan Rationalisation of Polling Station siamrem ngai leh Additional Polling Station dil belh te a ngaihtuah a

» 31-Lunglei East (ST) A/C huamchhunga Polling Station 31/22- Old Ralvawng Middle School atanga Old Ralvawng Primary School a thlak te, 31/5- Chanmari II a Additional Polling Station dil belh te;

» 32-Lunglei West (ST) A/C huamchhunga Polling Station 32/ 10,11&12 Rahsiveng I,II&III Govt. Rahsiveng H/S atanga Gospel Centenary School, Rahsiveng a thlak te,

» 33-Lunglei South (ST) A/C huamchhunga Polling Station 33/8 Luangmual a Additional Polling Station dil belh te, Polling Station 33/22 Mautlang Govt. P/S atanga Govt. Mautlang M/S thlak te, Polling Station 33/3&4 Lunglawn I&II a Additional Polling Station dil belh te,

» 34-Thorang (ST) A/C huamchhunga Polling Station 34/19 Putlungasih atanga Polling Station thar New Vuakmual (Pangtlang)siam belh dilna te, Polling Station 34/27 Rangte atanga Polling Station thar Chhuahthum siam belh te;

» West Tuipui (ST) A/C huamchhunga Polling Station 35/8 Nunsuri atanga Polling Station thar Nunsuri II siam belh leh Polling Station Ukdasuri Govt. P/S atanga UPS Ukdasuri a thlak dil te.

Heng dilna lut te hi ngaihtuah ho niin Committee chuan a concerened Booth Level Officer (BLO) ten lo zirchiangin detailed report lo thehlut te tih a rel a. Chung report-te chu peihfel anih hnuah Mizoram CEO kaltlangin Election Commission of India (ECI) ah dilna thehluh a ni dawn a ni.

Lunglei District chhungah kum 18 chunglam voter nei thei tur aia voter tlem chhan te, Sensitive Polling Station a pawisa hman dan tur te, Polling Station thenkhat a CCTV vuah te, inthlanna a Force duty zat tur leh pawisa ngai zat tur te, Polling Station hrang hrangte inthlanna nei thei tura facility awm tura beisei te bakah EVM leh VVPAT dinhmun te sawihona neih a ni a. 34-Thorang (ST) A/C huamchhunga Polling Station 34/19 Putlungasih atanga Polling Station thar New Vuakmual (Pangtlang) siam belh tura dil chu notified village anih leh nih loh finfiah ni se tih Committee chuan a rel bawk a ni.