1588/2023-2024

Lunglei; the 21st August; 2023: Vawiin chawhma dar 10:30Am khan District bawrhsap leh District Election Officer ni bawk Pi Ramdinliani kaihhruaina hnuaiah District Monitoring Committee on Accessible Election(DMCAE) ten quarterly (July-September,2023) meeting an nei.

Vawiin meeting-ah hian kumin MLA inthlanpui hi mitin ban phak leh mitin huapzo a nih theih nan rualban lo [Person with Disabilities(PwD)--with above 40% disability)] te leh kum 80 chunglam Senior Citizens ten mahni chenna in atanga postal bollot hmanga vote an thlak theih dan tur chungchang te, rualban lo te zingah tahrik ni 1/10/2023 a kum tling tur ten vote an thlak ngei theih nan hmalak dan turte rel a ni a.

Vawiin meetingah hian mitin ban phak leh mitin huapzo inthlanna kan neih theih nan chipchiar tak leh huapzau taka sawihona neih a ni a. Vawiin meeting-ah hian Sorkar leh Private enkawlna hnuaia Home hrang hranga awm(inmates) ten vote an thlak ve ngai loh thu te sawichhuah a ni a. He mi chungchang hi engtia kalpui tur nge tih Election Commission of India hnenah Pi Ramdinliani chuan a thlen thuai dawn a ni.

Vawiin meetingah hian  Pu Donny Lalruatsanga,Addl.DC(E), Pu Liansangzuala Chhakchhuak, Addl.DC(P), Pi TT.Beikhaizi Election Officer te bakah PWD leh a kaihhnawih concern Department  official te leh NGOs hrang hrang aiawh te an tel a ni.