Vawiin chawhma dar 10:30 khan MZP Hqrs. Lunglei bultuma buatsaih Education Fair 2018 chu Saikuti Hall, Lunglei Ground Floor-ah Pu H. Lalthansanga, President, MJA Lunglei District chuan a hawng.

He hun Benjamin Vanlalfela, President MZP Hqrs. Lunglei kaihhruaiah, Pu H. Lalthansanga chuan, ‘MZP Hqrs. Lunglei ten zirlaite hmakhua ngaia Education Fair Lungleia a vawikhatna an buatsaih thei hi a lawmawm em em a, inbuatsaihna a hautakin sum leh pai mai bakah hun leh tha tam tak sen ngai a ni a, an inpekna fakawm’ a tih thu a sawi.

India ram zirna in hrang hrang atangin he Fair-a tel tura chah chhuah ngai te a ni a, MZP te hmalakna avang hian zirlai ten hmun hla tak taka zin ngai lovin mahni hmunah zirna in tha tak tak zirchianna leh an duh duh zawh theiha an awm ringawt pawh hi thil hlu tak a ni a, zirlai ten an hma hun atan tangkai taka an hman theih turin he hun hi buatsaih a nih angin, tangkai taka an hman theih nan a hawng a ni.

MZP Hqrs. Lunglei bultuma buatsaih Education Fair 2018 hi nikhat atan chauh a ni a, India ram zirna in, kawng hrang hranga zirna tha tak tak pasarih atangin an rawn kal thei a, chungte chu :

1. R.R Institution, Bangalore

2. Alpine Group of Institution, Dehradun

3. Vel Tech, Chennai

4. Kalinga University, Chhattisgarh

5. Bubharti University, Meerut

6. Sharda University, Delhi (Noida)

7. AIMS Institutes,

Bengalore Education Fair 2018-ah Help Desk buatsaih ni bawkin, a tlawhtu ten an duh duh an zawh theihna leh lo pui tur indah a ni a, MZP Hqrs. Lunglei hruaitute chuan he Education Fair an buatsaih hi a hlawhtlingin zirlai ten an chhawr tangkai dan a zirin la buatsaih chhoh zel leh, India rama Zirna in lian leh tha zawk, tun aia changtlung zawka la buatsaih leh zel pawh an inhuam thu an sawi.