Tukin zing dar 7:00 khan Mahatma Gandhi piancham den chhenin Lunglei Super Market kawt zawl ah FAINA HAPTA 2011 chu Pu V.Sapchhunga,IAS, DC Lunglei chuan a hawng.

Thusawiin Bawrhsap chuan a hmun nilova bawlhhlawh paih te hi a hnawk a ni, mitin in mahni hnathawhna te hi felfai deuhin i hnutchhiah ang u, kan khawpui fai leh thianghlim theih nan ruahmanna fel tak leh in kaihhruaina fel tak kan mamawh a ni a ti. UD&PA Department chauh hi faina ah hian ring lovin mitin hi kan pawimawh a kan tih tur theuh ah i ngai ang u a ti bawk. Faina Hapta chhung chauh hi nilovin kumtluanin faina hi i hmang ang u a ti.

Inkhawm hi Pu P.Lalhmangaihzuala President YMA Sub-Hqrs. in kaihruaiin Rev.R.Zohmingliana Electric veng bialtu Pastor in hunserh a hmang a, Pu R.L Zidinga. District UD&PA Officer in report a pe bawk. Kumin Faina Hapta chhung hian faina kawng a inelna buatsaih a ni a, chungte chu (1) Primary School (2) Middle School (3) High School leh a chung lam (4) Veng fai (5) Office Fai (6) Hotel fai (7) Restaurant fai leh Thingpui dawr fai (8) News paper fai leh thu ziaktha (9) R.D Block kawng fai.