Vawin Zing Dar 7 khan Saikuti Hall Lunglei ah Faina Hapta hawnna inkhawm neih a ni. Pu R.L. Zidinga DUDO, Lunglei kaih hruai Faina Hapta hawnna inkhawm ah hian Pu V.Sapchhunga, Bawrhsap Lunglei chuan khuallian niin a hman pui a.

Khuallian chuan thusawiin Faina kawng ah mipui te kan thang harh chho mek zel a, chutih laiin khawpui chhung hmun thenkhat ah Sorkar Department leh mi thenkhat ten thil kan tar a, heng kan thil tar bal tak tak te hi kan enkawl fai leh peih silova hei hian khaw chhung a ti bal hle a ni a ti. Mitin te hian Faina Hapta chhung chauh fai lo in kumtluan a faina hi kan kal pui tha a tih thu sawiin, Sorkar in hma la lo mahse mipui te hian faina hi kan kalpui reng a tul a ni a ti bawk.

Faina Hapta hawnna inkhawm ah hian Pu R.L. Zidinga DUDO, Lunglei pawh in thusawiin Lunglei khaw chhung a Veng, Office, School, Restaurant leh Hotel fai ber thlan leh a nih tur thu a sawi a, pakhatna ni thei theuh tur in a chah bawk ani. Vawin Faina Hapta hawnna inkhawm ah hian SJSRY hnuai a Trainning chhuak mi 132 te hnen ah Certificate semna neih nghal ani bawk.