Vawiin chawhnu dar 1:00 khan Saikuti hall Lunglei-ah Faina Hapta a ti thate hnenah lawmman semna neih a ni. He hun UD&PA District Urban Development Officer R.L. Zidinga kaihhruaiah hian Lunglei Bawrhsap Pu V. Sapchhunga, IAS chu khuallian a ni.

Bawrhsap chuan pawn lam faina kengkawh leh chhawmnung tur chuan thinlung leh rilruah faina leh fai duhna chi tuh a ngai a ni, a ti. Faina Hapta chu kum tluana  kalpui a chakawm thu a sawi a, lawmman dawng lo te tan pawh fai chu a hlawh sa tawh hrim hrim thu a sawi. Meizu leh ruihhlo hmuam chi te avangin sawrkar hnathawk leh an chhungten natna tam tak an vei a, he natna enkawl nan hian sawrkar-in MR Bill ah sum tam tak a seng ral a, hetiang avang hian meizuk hi anti-tobacco squad kal tlangin District tinah chak zawkin sawrkar-in hma a la dawn a ni, a ti.

Faina Hapta chhunga lawmman dawngtu te chu - News paper faina chungchang ziak thaber ah Zunzam, pahnihna ah Vulmawi leh pathumna ah Zo-En te an ni a, office hnathawhna hmun  vawngfai ber te chu 1. Primary School : Gov’t Primary school - I Zotlang (2) Middle School : Gov’t Middlr School Zohnuai (3) High School & Above : ZMS Theiriat (4); Restaurant : Classic Restaurant, Venglai (5) Hotel : Hotel Joshua, Bazar veng (6) Office : Divisonal Office of Soil & Water Conservation (7) NGO Office : BCM Office Serkawn te an ni a; veng fai ber ah Zohnuai thlan niin RD Block area a khawfai ber chu Ralvawng, Lunglei RD Block a mi te a ni.