Vawiin khan Old Age Recreation Hall, Serkawn ah Project Director Officer, Agricultural Technology Management Agency (ATMA), Lunglei District buatsaihin Farmer Scientist Interaction 2018, "Disease Management & Vaccination in Pet Animals with Practical Demonstration" tih topic hmangin hun hman a ni a, Dr. F.Lalramhluna, Chief Veterinary Officer, District Veterinary Hospital, Lunglei chuan khuallian niin a hmanpui.

He hun hi Pi C.Laldinpuii, Deputy Project Director, ATMA Lunglei District in a kaihruai a, khuallian Dr.F Lalramhluna chuan thusawiin ran te hi keini mihring te minti hlimtu pakhat an ni a, a bik takin Ui phei hi chu tunhma atangin mihringte thian tha ber an ni an lo ti thin a ni a, Kan ran vulhte chungah hian hmangaihna, khawngaihna leh lainatna i lan tir ang u a ti. Mihringte hian protein kan mamawh a, sa hi protein kan hmuhna tha bera ni a, chuvang chuan sa hrisel leh thianghlim kan ei theihna tur leh kan ran vulh kan chenpui te lak atanga natna leh hri laka kei mahni leh kan ran vulh te an lo him theih nan Vaccine pek a pawimawh a, chumi tur chuan kan sum te pawh kan ran vulh te tan hian i ui lo ang u a ti bawk. Keimahni leh kan ran vulhte an lo hrisel zel theih nan thianghlim leh felfai takin i enkawl ang u a ti bawk.

He hunah hian Pu C.Lalnithanga, Project Director, ATMA & DAO, Lunglei District pawhin thusawina  tawi neiin, Pu John Laltluangliana, Dy.Project Director,ATMA, Lunglei Dist in Introductory speech a nei bawk a ni. Hawnna hun hman zawh hian zawhna leh chhanna hun leh a thlawna inentirna hun buatsaih a ni bawk.