893/2023-2024

Lunglei the 23rd June, 2023: Vawiin khan Pu Donny Lalruatsanga, Addl. Deputy Commissioner, Lunglei kaihhruaina in DCs Conference Hall, Lunglei ah United Nations Food and Agriculture Organisation (FAO) hnuaia Green-AG: Green Landscape Implementation Unit (GLIU) hmalakna leh hmachhawp hrang hrang ngaihtuah ho turin 6th Technical Support Group meeting neih a ni. He Project hi Lunglei leh Mamit District ah te kalpui mek niin hmalak zel dan tur ngaihtuah hona neih a ni. Meeting ah hian Agriculture official te, Line Department leh DRDO te an tel a ni.

Meeting kaihruaitu Pu Donny Lalruatsanga chuan Green Landscape Management Unit chu hmasawnna huap zau leh daih rei tak kan neih theihna tura duan anih thu sawiin he project kaltlang hian Line Department hmalakna te chu ramngaw leh nungcha humhalh chunga kalpui anih tur thu a sawi a ni. Green Ag. Project hlawhtlinna turin beneficiaries thlan uluk a ngaih thu a sawi bakah zirtirna pek tam a ngaih thu a sawi bawk.

Pu Malsawmkima, District Agriculture Officer, Lunglei leh Member Secretary ni bawk chuan Green Ag. Project hmalakna te sawiin April-June 2023 chhung khan survey leh training te neih niin Animal Husbandry & Veterinary Department nena thawhhona in Lunglei District chhunga khaw pali- Tleu, Bunghmun, Sesawm leh Laisawral ah Rainbow Rooster 2000 sem a ni. Organic Fertilizer OP 12 khaw 9 ah tangkai taka hman niin Mizoram Sloping Agriculture Landscape khaw 9 ah kalpui a ni a, 5th June 'World Enviroment Day 2023' pualin Lunglei leh Mamit District Middle School paruk ah plastic hman tlem dan zirtirna pek a ni a bakah farmer te tana tangkai tur lehkhabu sem a ni bawk.

Pi Lalchhuanawmi, Team Leader Green Ag. Project, Lunglei chuan Green Ag Project hmalakna chi hrang hrang te leh hmachhawp mek te a sawi bawk a ni. Green Ag. Project in a tum ber chu India rama Agriculture kalphung her rem a, lo neitute tan a hlawk zawk leh tha zawk a kalpui a ni. Green Ag. hnuaia hmalakna tura Buh, hmarcha, tomato, vaimim, vawk leh ar vulh bakah leitha siam leh zir chian a, kuthnathawktute mamawh hrang hrang ngaihtuahpui bakah State pawn thlenga mumal zawka hralh chhuah dan ruahmanna siam a nih tur thu a sawi. Village Implementation Committee (VIC) te pawh din fel a nih tawh thu a sawi bawk. July-September 2023 chhunga hmalakna tur leh hmachhawp te a tarlang bawk.

Green AG funding agency chu Global Environment Facility (GEF) niin implementing Agency chu UNO leh FAO a ni a. Sorkar laipuiah Ministry of Agriculture & Farmers Welfare leh Ministry of Environment, Forest & Climate Change te hnuaiah niin Mizoram sawrkar hnuaia State Nodal Agency chu Department of Agriculture a ni.

Vawiin meeting ah hian Green Landscape Management Plan 2023 thlirletna neiin Action Plan July-September 2023 te chu sawihona neih a ni bawk.