Vawiin khan Lunglei Deputy Commissioner Pu Ashish Madhaorao More, IAS hovin DC’s Conference Hall-ah kumin Independence Day, 2014 lawm dan tur rel ho a ni a. He meeting-ah hian Sorkar department hrang hrang bakah zirna in leh tlawmngai pawl hrang hrang, Lunglei District Sports Council leh MJA Lunglei aiawhte an tel ki tha hle a ni.

Kumin Independence Day 2014 lawmna chu Thuamluaia Mual-ah neih leh nise tih rel a ni a, Khuallian atan Mizoram Chief Minister Pu Lal Thanhawla chu sawm nise tih meeting-ah hian rel a ni bawk. He Ni lawmna tura sorkar department hrang hrangte chanvo tur sem fel a ni a; kumdang ang bawkin a lawmna inkhawm zawhah mi sawm bikte tan thingpui inhona ‘VIPs At Home’ neih nise tih rel a ni. Meeting kaihruaitu DC Pu Ashish More chuan Independence Day 2014 lawmna hlawhlting tak neih theih nan he Ni-a chanvo nei zawng zawngte chu theihtawp chhuah theuh turin a sawm a ni.