No.1606/2021-2022

Lunglei the 29th, July 2021: Vawiin chawhma khan DC’s Conference Hall, Lunglei ah Bawrhsap  Pu Kulothungan A, IAS hovin Independence Day 2021 hman dan tur rel a ni.

Pu Kulothungan A chuan Covid 19 hri leng avangin kum dang angin Independence Day chu hman theih a ni dawn lo tih sawiin,  Ram Ni pawimawh a nih ang ngeia hman ngai si,  Covid-19 laka fimkhurna dan zawm chung si a hman dan ngaihtuah turin kalkhawm te a sawm a ni.  

Meeting chuan kumin Independence Day chu Deputy Commissioner Offce kawtah, zing dar 9:30 ah  hman ni se tih relin, Khuallian tur chu State sawrkar in a rawn ruat ang. Kum dang anga school naupang atanga parade contingent beisei a rem lo anga,  Guard of Honour pek chu Mizoram Police kutah dah niin Assam Rifles atangin Band Party beisei an ni ang. Khuallianin thusawina a nei nghal anga,function zawh ah VIP at Home in a zui nghal bawk dawn a ni.

Meeting chuan Independence Day felfai taka kan hman theih nan Department hrang hrang mawhphurhna nei ten an hna chanpual tha taka hlenchhuak theuh turin a sawm a. Mipui a nawlpui tel a remchan dawn loh avangin mahni in atanga TV kaltlanga en theih turin JB Zonet leh LDF Cable Operator te Live a pe chhuak tura ngen nise, kohhran hrang hrangah Independence Day puala tawngtaina nei tura ngen ni se tiin a rel a ni.

Independence Day 2021 lawmna program-ah hian Lunglei District chhunga sawrkar school atanga HSLC leh HSSLC Exam a topper te hnenah chawimawina hlan tum an ni a. Hemi ni pual hian khuallian leh mi pawimawh dangten DC Bangla kawtzawlah thing an phun bawk ang.