Ministry of  Micro Small and Medium Enterprise (MSME), Govt. Of India, Aizawl Branch leh World Vision India Chhimtuipui Area tangkawp buatsaih Industrial Motivation Campaign chu vawiin khan I&PRO Conference Hall Lungleiah neih a ni. 

He hun hi Mr. Benjamin T. Lalpu, Asst. Director Br. MSME Aizawl chuan a kaihruai a, Lungleia State Bank aiawh leh NABARD aiawh te chuan Industry dintute tana Sawrkar laipuiin sum an puk theih dan tur ruahmanna a siam leh Bank in a tih theih hrang hrang bakah hnathawktute a chawikan dan te zirtirna an pe a ni. Pu Thanglunpaua Guite Project Coordinator World Vision India, Chhimtuipui bial pawhin industry dinna tura pawl leh mimal mawhphurhna leh thawh hona tha chung chang a zir tir bawk. Chawhnu lam khan thawmhnaw thui dan training neih zui nghal a ni a, he hun hi Pu Thanglunpaua Guite in kaihruaiin thawmhnaw thui chung changa hmalak dan tha leh a kalphung bakah atak thawmhnaw thui inzirtirna neih nghal a ni. Vawiina Industrial Motivation Campaign ah hian Lunglei khawpui chhunga Self Help Group hrang hrang leh  Industry siam chung changa tui mi thahnem tak an kal khawm a ni.