Vawiin chawhnu khan DC’s Conference Hall, Lunglei ah Pu Benjamin Lalzama, Deputy Commissioner mawhphurhna la mek tu hovin boruak muanawm tak hnuaia Krismas leh kumthar Lunglei mipui ten an hman theih nan Dan leh Thupek chungchang meeting neih a ni.

Meeting ah hian Lunglei District Magistrate in Krismas leh Kumthar nuam leh thlamuang taka hman anih theih nan mihring hriselna atana tha lo halpuah leh halmawi Sawrkar in hal khap tura a tih angin khapna thupek chhuah a ni tawh tih garland a Ni a. Krismas leh Kumthar chhunga Magistrate te duty na tur bial siamsak an ni ang.

Police lam pawhin Chhim leh Hmar ah Town Patrol Van hmangin duty an nei tan tawh a, Traffic pawh uluk taka duty tir mek an ni. Sub Hqrs YMA ten Town Branch ah duty post siam a duty dan tur ruahmanna siam tura hrilh hriat an ni tawh. Krismas leh kumthar a harsatna leh buaina a thlen loh nan Sawrkar atanga Cheng nuai khat leh sing hnih dawn a ni a, a hman dan tur te rel in Sub Hqrs YMA te hnen ah a tul anga hman atan cheng sing riat sangnga, Tlabung SDO (C) hnen ah cheng sing khat, Hnahthial SDO(C) hnenah cheng singkhat leh MJA ten awareness tam zawk chanchinbu leh cable TV kaltlanga an puanzar theih nan cheng singkhat sang nga pek nise tih a ni.