No.2570/2021-2022
Aizawl the 12th, Oct' 2021: Vawiin khan National Commission for Women, Mizoram State Commission for Women Leh District Legal Services Authority , Lunglei te tangkawp buatsaihin Excise & Narcotics Conference Hall, Venglai, Lunglei ah MHIP Venglai Branch te nen Legal Awareness Campaign on Women Rights ( Dan Hnuaia Hemichhiate Chanvo lam Inzirtirna) neih a ni.

Pu T. Lalhmachhuana, MJS, Secretary, District Legal Services Authority, Lunglei District chuan inkhawm hi kaihhruaiin Covid19 hrileng karah MHIP, Venglai Branch te nen a Legal Awareness Campaign on Women Rights kan zir ho thei hi lawmawm a ti a. Legal Awareness Campaign hi Mizoram hmun hrang hrangah Dan lam thiamte nen thawkhovin neih thin a ni a. Dan leh hrai hriat hi a pawimawh a, Court a thubuai neih hi a zahthlak lova, Court hi mi dik te dikna humhim tu anih thu a sawi. Lok Adalat chungchang sawiin Mipuite Court (Lok Adalat) hi sum seng tlem zawka thubuai nei te insiamremna a ni ber a ni. Ukil a ngai lova, thubuai nei tu ve ve lo kalin an harsatna an sawi tlanga, thuremtu (Conciliators) te awmin, an ni hian thahnemngaitakin thubuai neite inrem turin an sawm thin a ni, a ti bawk.

Pi F. Laltlansangi, MJS, Civil Judge-Cum JMFC, Lunglei District chuan Laws, Rights and Entitlements of Women at Grass Root at PAN India level with special reference to Domestic Violence Act, 2005 and Maintenance U/S 125 CrPC( Inchhungkhura hleilenna/innghaihsakna a hmeichhiate dikna leh hamthatna bakah fa chawmna chungchang sawiin Pi KH Vanlalhruaii, Advocate, District Court, Lunglei chuan Laws, Rights and Entitlements of Women grass root at PAN India level with special reference to the Mizo Marriage, Divorce and Inheritance of Property Act, 2014 (Mizo Inneih, Inthen leh Rokhawm) chungchang ah zirtirna a pe bawk.

Attachment

  • Loading attachment...