Vawiin chawhma dar 9:00 khan Measles Rubella Vaccination Campaign chu Lunglei District Launching programme Baptist Higher Secondary School Serkawn ah hman a ni. He hunah hian Health Department, Social Welfare Department leh Education Department hotute an tel a ni.

Dr.Lalrinthangi, Senior Medical Officer chuan he launching programme hi a kaihruai a, report tlangpui a pe nghal bawk. Lunglei District Measles Rubella Vaccination campaign ah hian naupang thla 9 atanga kum 15 inkar Lunglei District ah target mi 42,631  an awm thu a sawi a, tun tumah hian School Session Site 397 an neih thu a sawi.

He programme Pathian hnena hlanna leh Launching programme hawnna Rev.F Ramdinmawia General Secretary BCM chuan a hmang a.

Khuallian, Dr Thani Pachuau CMO chuan, he Measles Rubella Vaccination Campaign hi India ram state 15 ah hman anih tawh thu sawiin, Crore 8 aia tam naupangten an lak tawh thu leh harsatna hmuh a awm loh thu a sawi a, an target hi 95 percent tal tih hlawhtlin angaih thu a sawi bawk. WHO chuan he natna lak a kan him/inven theih nan a kai awlsam bikte ah pe turin tih a ni a ti a, chuvangin mimal tin an pawimawh theuh a ni a ti a, thudik lo leng a tam hle a ni tih kan hria a, mahse WHO hian zirchhianna uluk taka a neih hnuah a tha tawk a ni tih a hmuh avangin he invenna hi pek a ni chauh a ni, a ti. He vaccine hi a him tawkin a tha hle a, Lunglei District chhunga nu leh pa ten he Vaccine an tu leh fate natna hrang laka an him theih nan vaccine hi la ngei turin a a sawm nghal a ni.

Pu Mickey R.Lalenkawla DPC SSA chuan lawmthu sawiin hun a khar a ni.