No.7263/2020-2021

Tukin zing dar 7 : 00 AM khan SP Conference Hall, Lunglei ah Mizoram Police Raising Day Vawi 50-na pualin Lunglei Police te chuan hun an hmang. He hun hi Pu Jacob Hlychho, Addl SP, Lunglei in kaihruaiin Pu Stephen Lalrinawma, MPS, Superintendent of Police, Lunglei in thusawina a nei a. Mizoram in Union Territory kan hmuh ni dt.21.01.1972 atang khan Assam Police atangin Mizoram Police hi Mizoram IGP hmasaber Pu IJ Verma, IPS hovin a indang a. British ho in India ram an awp lai atangin Police te hi Mizoram ah awm tawh in Mizoram a Police Station hmasaber pawh Tlabung Police Station a ni a, kum 1889 a din a ni. Tuna Lunglei Police Station pawh hi kum 1900 khan Police Out Post atana din a ni. Tin, kum 1950 khan Lunglei Sub Divisional Police Officer (SDPO) post din a ni a, SDPO Lunglei hmasaber chu Pu NK.Singh, Dy.SP a ni. 

Tun dinhmun ah Mizoram chhung ah Police Station sawmli (40), Special Police Station pathum (3) leh Out Post sawmparuk (16) a awm mek a, Lunglei District chhung bikah Police Station pali (4) leh Out Post pakhat (1) a awm bawk.

He inhmuhkhawmna hi Pu Jacob Hlychho, Addl SP, Lunglei in lawmthu sawina in a ti tawp a. Police Raising Day denchhen hian Lunglei Police te chuan Falkawn, Ramthar Veng atanga SBI, Main Branch, Bazarveng Lunglei thleng khawlai thianfai in hun hman a ni bawk.

Attachment

  • Loading attachment...