2832/2022-2023
Lunglei the 28th November' 2022: Vawiin khan DC Conference Hall Lunglei ah Pu Kulothungan A, IAS Chairman, District Disaster Management Authority kaihhruaiin Mock Drill buatsaih tur chungchang lo enlawkna leh zirhona Table Top Exercise neih dan tur meeting neih a ni.

Pu Kulothungan A chuan Table Top Exercise Mock Drill buatsaih hma a mawhphurna hrang hrang neitu Department te leh NGO ten kan mawhphurna kan lo hriata, thawhhona tha tak hnuaia hma kan lak theih nana inhrilhhriatna a ni a ti a. Lunglei in khuarel chhiatna a tawh palha a tak a kan chet chhuah dan tur inbuatsaihna leh inzirna a ni a, kan mawhphurna tha tak a hria a hlen chhuak theuh turin a chah a ni.

Meeting chuan ni 6 December, 2022 ah Lunglei khawpui chhung hmun thum Govt.High School, Convention Centre leh Saikuti Hall ah Mock Drill neih turin a rel a ni. YMA Volunteer te pualin Capacity Building for Fire Safety Training Lunglei leh Tlabung ah buatsaih nise tih a ni bawk. National Disaster Respone Force (NDRF) programme neih dan tur leh Lunglakna (Quarry) te zirchianna nei tur study team siam te rel a ni.

Pi Chuaupari Pachuau, Lunglei District Organiser, District Disaster Management Authority chuan Mock Drill buatsaih dan tur lirnghing Magnitude 6.5 vel a sawi a, nunna chan leh hliam tuar te chhawmdawl hna thawh dan tur tihchhinna a ni dawn a, District Incident Response System te mawhphurna leh chanvo neih dan tur te a sawi a ni.