3756/2023-2024

LUNGLEI; the 9th, February, 2024: Vawiin chawhma khan Garden Primary School, Rahsi Veng, Lunglei ah National Deworming Day 2024 hman a ni. He hunah hian Pu J. Mialung, Addl. Deputy Commissioner, Lunglei chuan khuallian niin a hmanpui. Khuallian hian school naupang thlanchhuah te hnenah rulhut hlo Albendazole a eitir a ni.

National De-Worming Day 2024 hmanna Pi K.Lalrintluangi, Samagra Dy.DPC, Lunglei kaihhruaiah Pu J. Mialung, chuan National De-Worming Day hi India rampumah hman niin atum ber chu naupang Kum 1 atanga kum 19 inkarte rulhut laka ven hi a ni a. Ram hmasawn zelah hriselna kawnga hmalaknate ngaihpawimawh a nih thu sawiin Lunglei District ah,naupang thangthalo 26.5% awmin cher 9% an awm a, Nutrition ah hmasawn mahila rulhut pai avang in a awm theih tho thu a sawi a ni. Rulhut pai lo turin tih theih awlsam tak kut silfai that, thlai leh thei eitur silfai that, tui thianghlim chauh in, ekin tha leh thianghlim taka inthiar, eitur khuh that bakah in leh a vel vawn fai te, tha taka zawm a tul thu a sawi a. Rulhut laka fihlim District ni turin rulhut hlo hi ei theuh turin a chah a ni. Rulhut laka fihlim turin Health & Family Welfare Department ah chauh innghat lovin Department hrang hrangte leh NGO a thawktute thawhhona nena hmalak a ngaih thu a sawi bawk a ni.

Dr. LC. Liana, Senior Chief Medical Officer, Lunglei chuan mihring tana rulhut that loh zia leh rulhut hlo ei a pawimawhzia te sawiin rulhut pai te chu an hrisel thei lova,kan ran vulh leh thlai leh thei ei atang te in rulhut hi a pai theih a, thil ei dawn in kut fai taka sil tur a ni. Sa leh thlai te fai taka sil a, hmun bawlhlawh ah ke lawnga kal lo tur leh in leh vel vawn thianghlim a ngaih thu a sawi a.

Natioanal Deworming Day ah hian naupang kum 1-19 te hnenah rulhut hlo Albendazole  pek thin a ni a,  Lunglei District chhung a Govt. School, Govt. Aided School, Anganwadi Centre, kum 1-5 Anganwadi Centre a hming ziaklo, naupang kum 6-19 inkar School kallo leh College zirlai te hnenah rulhut hlo pek vek tum a ni a, hemi ni a la hman lo te tan ni 16.2,1024 ah Mob Up Day ah pek leh tur a ni. Kumin 1st round ah School 1058 a naupang 76,800 te hnenah rulhut hlo hi pek tum a ni.