No.5004/2020-2021

Vawiin 12^th September 2020 chawhma khan DRDA Conference Hall, Lunglei  ah District Civil Supply Office buatsaihin National Food Security Day, 2020 hman a ni. Pu R. Vanrengpuia, Addl. Deputy Commissioner, Lunglei chuan khuallian niin a hmanpui a ni.

He hun hi Pu M. Misael, DCSO, Lunglei in kaihruaiin Pu R. Vanrengpuia chuan National Food Security Act(NFSA) hi Sorkar laipui in mi harsa zawk ten man tlawm zawk leh awlsam zawka eitur an hmuh theihna tur atana a buatsaih ani tiin ram hamsawnzelna tura peng pawimawh tak a ni, a ti a. Ration chanpual tur hi a hun tak a sem anih theih nan leh buhfai tha sem anih theih nan uluk takin Central Team(Central Project Management Unit) ten an vil reng a ni, a ti bawk. NFSA hnuaia hamthatna dawng thei tur Antyodaya Anna Yojana (AAY) leh Priority Households (PHH) te dik tak  leh langtlang tak a thlang turin buaipuitu te a chah a. Sawrkar laipui duhdan angin mirethei leh harsa zawk ten vawikhat a ration an lak zawh loh pawhin lak leh na hun siam sak turin retailer te a ngen a ni. Lunglei District chhungah Covid - 19 kara  DCSO leh a thawhpui te hmalakna avangin ei leh bar ah harsatna liantham  awm lova kalpui anih avangin lawmthu a sawi bawk a ni.

Pu HP. Rosangkima, DPM leh Pu CT. Biakthansanga, SIFCS ten NFSA leh TPDS chungchang Power Point Presentation hmangin an sawi.

Lunglei District hnuaiah Supply Centre 15 a awm a, Ration Card nei chhungkua 45,075 awm ah AAY chhungkua 4,105,PHH chhungkua 23,168 awmin Non NFSA chhungkua 17,802 an awm a ni. PM-GKAY hnuai a Mizoram ah free Ration dawng thei tur chhungkua 1,55,558  an awm bawk. NFSA hnuaia Sorkar laipui hmalakna pakhat One Nation One Ration Card hnuai ah hian India ram NFSA beneficiary tu pawh in khawi State atang pawh a an ration quota an lak theihna turin hmalak mek a ni a, Mizoram pawhin he National Portability of Ration Card hi 1^st June, 2020 atangin hman tan ani ve tawh ani, National Portability hman theihna tur hian Aadhaar leh Ration Card thlunzawm a ngaih avangin hmalak mek a ni. Sawrkar laipuiin Ration Buhfai bakah chini, Dal leh chana te a sem bawk a ni.