3328/2022-2023

Lunglei the 24th January' 2023: Vawiin chawhma khan DC's Conference Hall, Lunglei ah Deputy Commissioner Office leh District Programme Officer, Women and Child Development Department, Lunglei te buatsaih in karkhat chhung awh ( 18th - 24th January 2023) National Girl Child Day (NGCD) kharna hun hman a ni. Lunglei Bawrhsap Pu Kulothungan A, IAS chuan khuallian niin a hmanpui.

He hun hi Dr. Lalhruaitluangi Chhangte, District Programme Officer (WCD) Lunglei chuan kaihruaiin khuallian Pu Kulothungan A chuan hmeichhe naupang humhalh leh chawikanna tura National Girl Child Day karkhat chhung hman ani chu lawmawm a ti a. Kan ram leh hnam in hma a sawn dawn chuan hmeichhia te dinhmun siamthat chu kan tih makmawh a ni a, hmeichhe naupang an nih avang maiin zirna ani emaw sports leh thil dangah te thliar hranna nei lovin theihtawpa tan lakpuitu ni theuh turin kalkhawm te a chah a ni. India ramah hmeichhia te chawikanna turin sorkar laipui chuan scheme hrang hrang a siama chung chu hmangtangkai tu ni theuh turin a chah bawk.

K. Lalrinawmi, District Mission Co-Ordinator (DHEW) Lunglei chuan report pein NGCD chungchang a karkhat chhunga an hmalakna hrang hrang te sawiin  Press Release, Plegde ceremony, Beti Bachao Beti Padhao Oath taking, BBBP stickers sem, School (Govt/Private) ah sports programme buatsaih,Importance of sports for Girls Child tih thupui hmaning Slogan writing competition buatsaih , khawtlang leh kohhran hruaitu te nen naupang inneih chungchang sensitization programme neih bakah Women and Children Welfare Schemes chungchang a talk show te neih a ni. Lunglei District a hmeichhe naupang chhuanawm (zirna leh sports) C. Lalrinfeli, Electrict Veng, Judo, North East level, Gold, National level, Bronze Medal leh Elisian Medaii, Serkawn Athletics Mizoram Secondary School Games 2022 a Best Girl leh NorthEast represent te hnenah chawimawi thuziak leh pawisa fai hlan a ni.