1589/2022-2023 

Lunglei the 13^th August 2022 : National Legal Services Authority-in India ram pum a National Lok Adalat hman tura a tih angin Lunglei District Legal Services buatsaihin vawiin khan National Lok Adalat chu District Court Lunglei ah hman a ni. Lunglei District chhunga court la thlenpui loh thubuai hrang hrang 86 bakah, Bank a sum puk inthinna case 59 ngaihtuah a ni.

Vawiin Lok Adalat a thubuai ngaihtuah tur hian Bench pahnih din a ni a, Bench-I hi Pu Vincent Lalrokima, Chief Judicial Magistrate, Lunglei leh Member Secretary, DLSA ni bawk in a kaihruai a. Bench-II hi Pi JH Lalparmawii, Judicial Magistrate First Class in a kaihruai thung a ni. Thubuai thehluh case 145 buaipui niin, leiba inthinna case chu a tam ber a ni.

Lok Adalat ah hian thubuai neitute duhdan angin inremna ziahpui thin a ni a. Sum sen ngailo in, thubuai hi chinfel sak thin a ni.