1588/2022-2023

Lunglei the 13th August, 2022 – Lunglei District Independence Day 2022 lawmna atana August ni 8, 2022 atanga practice neih chu tukin khan Thuamluaia Mualah Final Rehearsal neih a ni.

Lunglei District Independence Day Celebration Committee thutkhawm dated 1^st August, 2022 in alo rel tawh angin Independence Day 2022 lawmna chu Thuamluaia Mualah neih a ni dawn a. Pu Lalrinliana Sailo, Hon’ble Speaker, Mizoram Legislative Assembly chu khuallian a ni ang.

Independence Day 2022 Program kalpui dan tur chu a hnuaia tarlan ang hi a ni:

Zing Ni chhuah rualin - Sawrkar Pisa zawng zawngah hnam puanzar zar a ni ang. 

9:00 AM - Independence Day 2022 lawmna program tan a ni ang.

11:30 AM – DC’s At Home chu DC Bangla tualzawlah neih a ni ang.

Program-ah hian mizo pasaltha India zalenna sualtu Pu Darthawma (L), Chanmari, Lunglei chhungte hnenah Chawimawina (Felicitation) hlan a ni dawn a, Parade intihsiakna a ti tha te leh Independence Day puala Sports Association-te intihsiakna hrang hranga ti tha te hnenah  pawh chawimawina hlanna hun hman a ni ang.

Kumin Independence Day lawmna ah hian Sacred Heart School, Govt Leilangpui High School, Kendriya Vidyalaya, Eklavya Model Residential School, 131 Bn BSF leh 3 NH Assam Rifles ten Cultural Program an nei dawn bawk a ni.

Independence Day lawmna program hi Lunglei District mipuiten mahni in atanga TV kaltlanga en theih turin Zonet JB leh LDF Cable-ten Live-a pek chhuak tum a ni. Lunglei District mipuite’n program hi lo thlir ngei turin District Independence Day Celebration Committee chuan a sawm a ni.