Vawiin chawhma khan UD&PA Deparment, Day-NULM, Lunglei buatsaihin Convention Centre, Lunglei ah Paper Bag siam zirna neih ani. Pu R. Vanrengpuia, Addl. DC, Lunglei chuan khuallian niin a hmanpui.

Paper bag siam zirtirna hun hi Pu Andrew Lalhruaia, DUDO, Lunglei in a kaihhruai a, Pu R. Vanrengpuia chuan plastic leh polythene kan hman nasat avangin kan khua leh avel nasa takin a tichhia a, mihring hriselna, kan ram leilung leh enviroment nasa takin a tichhia bawk ani. Hemi ven nan hian Sawrkar in Solid Waste Management Rules 2016 (Bawlhlawh sawngbawlna dan) a duang chhuaka ni.Sawrkarin polythene leh plastic hman hi khap mahse, Lunglei ah chuan hmang lo thei lovin kan la awm a, Self Help Group in a thlakna tur atan a paper bag siam zirna hun buatsaih hi Lunglei tan chuan ni chhinchhiah tlak ani ati.Lunglei hmasawnna atan a ke pen chhuak hmasa an nih avangin a lawmpui a, Sawrkar tana tha leh mamawh tih hrereng a, tha tak a siam thiam theuh turin a chah ani. In thawhchhuah dan a zirin sawrkar pawh a thawh chhuah a ngai dawn ani ati bawk.

Ram pumah Solid Waste Management Rules 2016 hmangin khawpui bawlhlawh sawngbawl dan chungchangah khauh taka hmalak ani a. Polythene(50 micron ai a tlem) ho hman in leilung leh tuihna a tih chhiat tawh em avangin sawrkarin a khap ta a. Mipuiten ten awlsam taka polythene aia an hman tur zawn chhuah a tul ta hle a, Lunglei Town Sanitation Task Force chuan Lunglei khawpui chhunga hman turin atam thei ang ber paper atanga siam bag hman a rel ta a. Chu paper bag siam chu mimal leh pawl anga thawh a that beise ani a, National Urban Livelihood Mission (NULM) hnuaia Self Help Group te tan paper bag siam training hi buatsaih ani ta ni. Vawiin SHG tetan paper bag siam hi Pi R. Lalhunmawii, Zobawk in zirtirna a pe ani.