1416/2023-2024

Lunglei; the 8th August;2023: Vawiin chawhnu dar 3:00Pm khan District AIDS Prevention & Control Committee (DAPCC) te bultuma buatsaih tur Red Ribbon quiz Competition neih dan tur relin thu khawm. Vawiin meeting hi Pu Liansangzuala Chhakchhuak,Addl.DC kaihhruaina hnuaia neih a ni.

Pu Vanlalpeka Tochhawng AD,IEC in Power Point Presentation hmangin Red Ribbon Quiz competition kalpui dan tur tlangpui entirna hun a hmang a.Tichuan member kal khawm te chuan Lunglei District a Red Ribbon Quiz Competition tha taka neih a nih theih nan mawhphurhna chanvo hrang hrang an insem nghal a ni.

Red Ribbon Quiz Competition class 8,9 leh 11 zirlai naupang tana buatsaih tur a ni a.School level hi online kaltlanga August 4th week chhunga inelna neih tur a ni a. Chuta ti tha thlanchhuah ten District Level-ah, 1st week of Septemberah an nei ang. Chuta titha thlanchhuah ten State Level inelna an nei leh ang a. Tichuan state levela titha thlanchhuah ten Regional Level inelna hi November-December,2023 chhungin an nei anga, tichuan a tawp ber leh a inelna sang ber tur National level hi 12th January,2024 ah neih tur a ni ang. Stage tina inelna hian Certificate,Cash Prize leh mementos te a keng tel ang.

He quiz Competition in a tum chu Naupangte hnenah HIV/AIDS leh a kaihhnawih thil (social and health issues) hriat tul MSACS in tihte chungchanga chiangkuang taka hriatna(comprehensive Knowledge) pek a ni.