Lunglei District a Road Safety Week-2019 hman chhunga driver dan bawhchia man te hnenah vawiin khan Tukluih Training (one day mandatory counselling & training & for offending drivers), Lunglei DTO office leh Lunglei Traffic Police te buatsaihin Convention Centre-ah neih a ni.

He hunah hian Lunglei Traffic O/C Pu K. Vanlalsanga leh MVI Pu Lalrohlua ten driver te tih tur leh tih loh tur kawng hrang hrang zirtirna hlawkthlak tak an pe a ni.

Road safety week hmandan report petu, Pu Benjamin C. Lalthantluanga MVI sawi danin week neih chhunga dan bawhchhia an man zawng zawng te hi an vaiin mi 134 an ni a.
A hmuna pawisa an chawitir tlingkhawm pawh Rs 35,500/- a ni.

District Transport Officer Pu Vanlaltanpuia chuan thusawiin, Lungleiah lirthei a punchak thu leh lirthei khalhtuten fimkhur lehzual zawka an khalh a tul thu te, tunhnaia accident thlen dan chipchiar leh driver te tana nungchang leh awmdan mawi chi hrang hrang Power Point Presentation hmangin a sawi. May thla chhung khan Lungleiah Lirthei 215 register thar a ni tih sawiin, Lunglei DTO office chuan tun sorkar kum hman mek, thla 2 (April leh May) chhung khan sorkar sumbawmah chhiah/revenue cheng nuai 29 an chhunluh hman thu a sawilang bawk.

He tukluih training ah hian driver an tel tha hle a. He huna kal lo, driver dan bawhchhia te chu an driving license suspend sak an ni dawn a ni.