1388/2023-2024

Lunglei; the 4th August;2023 : Vawiin chawhma khan DC Conference  Hall-ah Pi Ramdinliani, District Election  Officer leh District  bawrhsap ni bawk kaihhruaina hnuaiah kumin MLA Election kan neih turah Sector Officer atana ruat ten Review meeting  an nei.

He Review meeting-ah Pu K.Beihmotaosa Addl.SP in Power Point Presentation in  Role of Executive Magistrate tih thupui hmangin Sector Officer te zirtirna a  pe. Sector officer te hi Poll Day hma ni 7-ah Executive Magistrate a puan an ni ang.

Vawiin meeting-ah hian Sector Officer leh  Sector Police Officer ten an site Inspection atangin, sector huam chhung khaw hrang hranga Polling Station dinhmun te, khaw kar kawng dinhmun te, Mobile signal dinhmun te leh Polling team tan harsatna awm theih ang chi hrang hrangte Power point  presentation hmangin report an pe a. He a report atang hian thuneitu ten hmalak ngaihna lai apiangah hma an la dawn a ni.

DEO Pi Ramdinliani chuan Sector Officer & team te hnenah an hmalak tawh chinah lawmthu sawiin, Sector Officer te hi sawrkarin  mi rintlak leh innghahna tlaka  a ngaih officer te in ni a.  Election Process a mawhphurna chanvo sang tak chelhtu in nih angin, in duty  ngai pawimawh a, hneh taka  in mawhphurna  kengkawh turin ka ngen che u, tiin fuihna thuchah sawiin, duhsakna a hlan hlawm bawk a ni.

Pu Rahul Alwal IPS, SP Lunglei pawhin fuihna thuchah a sawi bawk.