Vawiin chawhma khan Directorate of Economic & Statistics Department Aizawl buatsaih in DC’s Conference Hall, Lunglei ah Sensitization Workshop On Official Statistics For District Level Statistical Functionaries neih a ni a. Pu Benjamin Lalzama, Addl DC, Lunglei chuan a hmanpui a ni.

Sensitization Workshop inkhawm hi Pu Vanlalmuana, DRO, Lunglei in kaihruai in Pu Benjamin Lalzama chuan Statistics tha nei tur chuan a thawktu te an pawimawh a, District hrang hrang atanga Data lut khawm chu Directorate ah khaikhawm in, chung Data hmang chuan Plan tha tak siam thin a ni a ti. Data tha neih loh chuan Plan mumal tha a awm thei lova hmasawnna in a tuar a ni. Training workshop leh  Seminar te hi a pawimawh a, mihring chu kan intuaithar zel loh chuan kan hnathawhna ah kan buai thin a, ram hmasawnna leh rawngbawlna a ti thuanawp thin a ni a ti.

Pu Lalchhuanawma Hrahsel, Director, Economics & Statistic Department in inlawmna thu sawi in District hrang hrang atanga DRO leh inspector he Sensitization Workshop lokal te a lo lawm a. He workshop hi Indian Statistical Scaventhering Project (ISSP) hnuai a kalpui a ni a, tih tur leh hmachhawp awm te June thla chhung a tih zawh tura tih a ni a ti. Directorate a kalpui thin State Domestic Products & Its Relataed Aggregates Index of Industrial production leh consumer index te hi District ah kalpui zel tur anih avangin kan hriat a pawimawh a ni a ti bawk.

He hun ah hian Powerpoint Presentation hmang in State Domestic Product & Its Related Aggregates tih thupui hmangin Pi Biakthansangi Hrahsel, Research Officer, DES, in a entir a. Tin, Index Of Industrial Production, Pi B.Vanlalruati, Research Officer, DES leh Sub State Level Consumer Price Index, Pu Lalzamliana, Research Officer, DES ten kalkhawm te an entir a ni.