1614/2023-2024

Lunglei; the 23rd August, 2023: Vawiin chawhma dar 11:00Am khan District Bawrhsap leh District Education Committee(DEC) Chairman ni bawk Pi Ramdinliani kaihhruaina hnuaiah DEC member ten kumin(2023)- a Lunglei district chhunga Teachers’ Day lawm dan tur relin, DC Conference Hall-ah meeting an nei.

Vawiin DEC meeting chuan a hnuaia mi ang hian Teachers’ Day,2023 hman dan tur a rel:-

1) School tin ten anmahni rem chan dang angin Teachers’ Day lawmna programme an buatsaih ang.

2)Lunglei Khawpui hmun langsar lai hmun 4-ah; Education department ten Teachers’ day Banner an tar ang a, Banner 4 zinga pakhatah District,State leh National Awardee zawng zawng te thlalak nem kai a ni anga, thlalak chuanna Banner hi hmun lunlai ber leh remchang berah tar a ni ang.

3) District bawrhsap leh chairman DEC ni bawk Pi Ramdinliani’n video kaltlangin Lunglei district mipui hnenah Teachers’ Day,2023 thuchah a sawi anga, a zau thei ang bera thehdarh a ni ang.

4) Lunglei district chhunga District, State leh National level-a Teacher Awardees la dam mi 19 te chawimawina hun DC conference Hall-ah tahrik ni 05/09/2023 tlai lam dar 2:00Pm a buatsaih a ni ang.

5) National foundation for Teachers’ Welfare (NFTW) Fund atan Teacher ten Rs.100/- an thawh thin chu Rs.200/- a tihpun a ni. NFTW Fund atang hian 2022-2023 chhung khan Mizoram pumah Teacher 135 te hnenah tanpuina pek a lo ni tawh a, Lunglei district atang pawhin mi 4 telin; Rs.30,000/- theuh an dawng a ni. He tanpuina dil dan hi DEO office-ah zawhfiah theih reng a ni ang.

Vawin meeting-ah hian DEC member te an tel kim hle a, Teachers’ Day,2023 lawmna programme changtlung taka hman a nih theih nan mimal leh Department hrang hrang te hnenah mawhphurhna chanvo meeting hian a sem nghal a ni.