1384/2022-2023
Lunglei the 27th, July' 2022: Vawiin khan Convention Centre, Lunglei ah India Zalenna Champha vawi 75 na lawmna kal zelah Kawlphetha Kutpui India Eng Hmalam Hun Eng Power@ 2047 (Ujjwala Bharat Ujjwala Bhavishya Power @ 2047) hun hman a ni. Lunglei HPC Vice Chairman Pu Lawmawma Tochhawng, MLA chuan khuallian niin a hmanpui.

He hun hi Lunglei Bawrhsap Pu Kulothungan A, IAS chuan kaihruaiin Pu Lawmawma Tochhawng chuan India zalenna champha vawi 75 na lawmna kalzelah Kawlphetha Kutpui India Eng Hmalam Hun Eng Power @ 2047 thupui hmanga hun hmang tura Power and Electricity Department mi sawmna hi lawmawm a ti a. Ministry of Power & Renewable Energy, Govt. of India in India ram in power lama sorkar hmathlir thui tak kum 2047 thleng hmasawnna tur ruangam ruahmanna te puan chhuahin a awm dawn a ni, Khawvel hmasawnna kal zelah power mamawhna a sang tawlh tawlh a, siam chhuah chauh nilo, a semdarh kawngah leh miharsa zawk ban phaka chhwpchhuah a nih theih nan India sorkar chuan theih tawp a chhuah a, Central Scheme hrang hrang Saubhagya te, DDUGJY leh IPDS te hmangin thingtlang khua current nei lo ten an neih phah na sa hle a ni a ti. Sorkar hmalakna leh ruahmanna ah te mipui ten tawiawm turin a ngen a, P&E Department a thawktu te chu chhuanawm a ti a, mahni nunna thap in mipui tan hna an thawk thin a, power hmanga eizawng tu te pawh in hma an sawn thu a sawi a ni. Dan leh hrai te zawm ila, thawhhona tha tak nen kawlphetha Kutpui hian hma a sawn ngei ang a ti bawk.

Er. Zothansanga, EE, PMD-I, Lunglei chuan technical report pe in India ram zalenna champha vawi 75 na chu hapta kar 75 chhung lawm mek a ni a. He Mahotsav lawmna peng pakhat atan Ministry of Power chuan India Eng Hma lam Hun Eng (Ujwal Bharat, Ujwal Bhavishya) tih thupui hmangin vawiin kan Programme hi India ram District tinah a buatsaih a, Power lama Sawrkar hmathlir thui tak Kum 2047 thlenga hmasawnna tur ruangam ruahmanna te puan chhuahin a awm dawn bawk a ni. He Programme hi India ram District 773 ah hman mek niin, Lunglei District ah chuan Lunglei ah leh Lungsen ah hman a ni ang a, Grand Finale ah hian Prime Minister zahawm takin India hmathlir tlangzarhna a nei bawk ang. Lunglei District huam chhunga Saubhagya, DDUGJY leh IPDS scheme hmangin heng hna te hi thawh a ni, Connection thar 5935 pek, khaw 131 ah eng pek, DT buntawh 77, 11KV Line thlunzawm tawh 77.67 km, LT Line thlunzawm tawh 69.44 km, ban tui ek thlak 39 leh Tlabung Control Room chungah 12 kwp bun a nih thu a sawi a ni.

Revamped Reforms based and result linked Distribution Sector Scheme (RDSS) hnuaiah hian Mizoram hmun hrang hrang power sem chhuahna tih changtlun te, mipui tana awlsam zawka bill chawi dan tur te ruahman niin, India ram pumah consumer vaibelchhia 25 lai Smart Meter vuah sak tum a ni a. Tuna Ujjwala Bharat Grand Finale ah PM zahawm takin puanzarna a nei dawn a ni. He scheme ah hian Mizoram puma energy meter chu pre paid smart meter a thlak tur a ni a, tunah hna bul tan a ni tawh a ni. Smart meter te hi remote a control tawh tur a ni ang. Lunglei Khawpui chhungah pawh Consumer Meter thlak bakah heng hna te hi RDSS hnuaia thawh tura ruahman a ni tawh bawk. Kawmzawl to Sazaikawn 33kV Tower line, Installation of Distribution Transformer - 12 leh Replacement of existing DT with higher Capacity - 26 te a ni.

Vawiin hun hmanna ah hian Thalai Drama Party ten Nukkad Natak an entira Power Grid Corporation Of India (PGCI) in Power chungchang film entirna neiin Saubhagya Beneficiary atangin thusawi ngaih thlak niin TKP Cultural Programme entirna an nei bawk. Pu H.Lalremruata President, Village Council Association, Lunglei chuan lawmthu sawina a nei a ni.