No.4269/2021-2022

Aizawl the 15th.March.2022: Fair Digital Finance tih thupui hmangin vawiin khan YMA Sub Hqrs Conference Hall Lungleiah Lunglei District Consumer Association buatsaihin World Consumer Rights Day 2022 pualin hun hman a ni.

World Consumer Rights Day puala hun hman hi Pu JL.Hmingthanga Lunglei District Consumer Association President in a kaihruaia Consumer Rights Day chu kum 1965 atangin Khawvel hmun hrang hrangah hman thin a nih thu a sawi.

Khuallian Pu F.Rohlupuia Addl.Dist & Session Judge Lunglei leh District Consumer Forum President ni bawk chuan thu sawiin, World Consumers Rights Day kan hmang thei hi a hlu em em a, kan zavai hian Consumer kan ni vek a ni a ti. Goods Consumer kan nih bakah Service Consumer kan ni bawk tih kan hriat angaia helamah hian kan harh thar angai hle a ni a ti bawk.

Bungraw in lei sak chungchangah leh midang ten kan laka sum an senna kawngah kan fimkhur angai hle a ni khuallian chuan tiin, hetiang kawngah hian mi tam takin harsatna an tawk thin a, hetiang harsatna kawng hrang hrangah hian District Consumer Commission hman tangkaia thubuai thehluh kan peih angai a ni a ti.

Consumer ten harsatna kan tawh chungchangah thubuai thehluh a tam lo thin hle a, Mizo kan nihna zawnah inngaihdam kan uar a, a that hle laiin kan nitin khawsak changkang chho zelah Consumer ten harsatna kan neihte Commission a thlen thin hi kan in tihhmuh a tul a min puitu tur Pawl hruaitute an awm reng tih kan hriat a pawimawh a ni a ti. World Consumer Rights Day thupui, Fair Digital Finance chu tun dinhmunah Mizoramah pawh a takin kan kalpui chho mek a, Tui bill, Electric bill leh sumdawnna kawngah pawh nasa takin Fair Digital Finance tih hi kan hmang tawh a Consumer zawng zawng ten hemi kawngah hian hmasawn tuma Fair Digital Finance hi a taka hmang thei tura inzir peih a tul hle a ni tih thu a sawi bawk.

Vawiina hun hmanna ah hian Dr.Lalchhanhima Fanchun Asst. Gen. Secretary LDCA in report pe in hruaitute inhmelhriat tirna hun a hmang a, Consumer kaihhnawih sawihona bakah zawhna leh chhanna hun hman niin, thupui Fair Digital Finance tih hmangin Resource Person Pu R.Lalrochama Associate Professor Lunglei Gov't College, LDCA Gen.Secretary ni bawkin kalkhawmte zirtirna hun a hmang bawk a ni.