Nimin chawhnu khan National Tobacco Control Programme Lunglei District buatsaih in Nursing School Auditorium, Salem Veng, Lunglei ah World No Tobacco Day hman a ni. Dr.Ankita Chakravarty, IAS, Deputy Commissioner, Lunglei chu khuallian niin, Pu Lalrindika Ralte (Footballer) chu khualzahawm a ni.

Dr.Ankita Chakravarty chuan kumtin May ni 31 chu World Health Organization (WHO) in World No Tobacco Day ah a puan thu a sawi a. Kumin a thupui "Tobacco and Heart Disease" thlan ni in, Vaihlo leh a kaihhnawih hian kan taksa a tichhia in natna chi hrang hrang a thlen thin a, chuvangin Cancer tamna State kan nih phah a ni, a ti. Vaihlo leh a kaihhnawih hian kan taksa ah enge a thawh, khawtlang ah harsatna kan tawh te kan hriatchian a pawimawh hle a ni, a ti. A that loh zia hi mipuite ah kan in hrilh hriat a ngai hle a ni, a ti bawk. Mithiam tak tak ten zirchianna an neih na ah vaihlo leh a kaihhnawih hian taksa tan thatna a nei lova, chhiatna thlentu hlir a ni a ti bawk. Vaihlo leh a kaihhnawih laka kan fihlim theih nan atam thei ang ber in zirtirna pek tum theuh turin kalkhawm te a chah. Dr. Ankita Chakravarty chuan 'HIMNA MADAT' Kick Off na nei in he hmalakna in a tum ber chu naupang class - V atanga class - VIII inkar ten vaihlo leh a kaihhnawih laka an fihlim theih nan kawng hrang hrang a zirtirna pek a ni. Kumin a HIMNA MADAT atan sawrkar in Lunglei District tan cheng nuai 10 pek a ni a, he sum hmang hian vaihlo leh a kaihhnawih bak ah ruihhlo chi hrang hrang ti lo tura inzirtir te, painting competition leh awareness programme hrang hrang buatsaih a nih tur thu a sawi. Vaihlo leh a kaihhnawih that loh zia kohhran hrang hrang ten an tlangaupui thin avangin lawmawm a ti a ni.

Kualzahawm Pu Lalrindika Ralte (Footballer) pawhin thu sawi in vaihlo leh a kaihhnawih hian kan taksa a tihchhiat bak ah nu leh pa rilru kan ti na thin a ni. Hnam changkang ten an tih loh chuan tih loh hi kan zir ve a ngai a ni. Vaihlo leh a kaihhnawih avang hian sum leh pai tam tak kan khawhral a, chhungkua ah harsatna tam tak thlen tu a nih avangin tih chhin loh hi a him ber a ni a ti.

Dr.Ngurchamliana, Medical Superintendent, Civil Hospital, Lunglei leh District Nodal Officer, NTCP  chuan inlawmna thu a sawi a. Dr.Lalrinsiama Renthlei, District Consultant, NTCP chuan report pe in Lunglei District ah Anti Tobacco Squad ten nikum April atanga kumin April chhung in Office leh vantlang hmun a meizial zu check na vawi 47 nei tawh  in mi 39 man an ni tawh. Vaihlo leh a kaihhnawih chungchang ah training vawi 3 nei in, School hrang hrang 67 ah Awareness Campaign neih a ni bawk. Meizial nghei tum mi 278 zing ah 24% in an nghei hlen thei a ani a ti.

Dr.Zoramthangi, Member DATS in thupui "Tobacco and Hearts Disease" tih hmangin zirtirna a pe a, guthkha thatlohzia powerpoint presentation hmangin a sawifiah bawk. CH.Lalhruaitluanga'n Testimony, ruihhlo leh a tawn hriat te sawina hun a nei bawk a ni.