Nimin khan MZP Hqrs. Lunglei chuan tunhnai a HSLC leh HSSLC a zirlai ti tha Lunglei District chhung a mite chawimawina hun Saikuti Hall Lungleiah an nei a, Home Minister Pu R. Lalzirliana chuan khuallian niin he hun hi a hmanpui a ni. Home Minister chuan thu sawiin Zirlai pawlten hetianga zirlai chawimawi tlak an chawimawi thin chu khawvel lo la awm leh zel tur atan pawh mite ti phurtu leh thil tangkai tak a ni a, Zirlai pawl ten an hmalakna tur leh thiltihturah ngun taka ngaihtuah chunga an kal a pawimawh thu a sawi a, Zirlaite pawhin Pathian leh an nu leh pate thuawih chu hlawhtlinna kawng pawimawh tak a ni tiin an zirna kawnga rilru tibuai thei leh ti bahlah thei thilte chu hnawl ngam zel turin a chah a ni. 

Nimin a MZP Hqrs. Lungleiin zilai tithate a chawimawi rual hian Sikul huapa titha Holy Faith English School leh Baptist Higher Secondary School-te chu chawimawina pek an ni a, zirlai tithate atangin C. Lalnunhlimi BHSS, HSLC a Parukna leh B. Lalrinfeli BHSS, HSSLC a Parukna te bakah Distinction-a pass zawng zawngte chawimawina thuziak hlan vek an ni bawk a ni. nimin a Zirlaiti tha chawimawina inkhawm hi Lalrammuanawma Vice President MZP Hqrs. Lungleiin a kaihruaia, Benjamin Vanlalfela President MZP Hqrs. Lunglei leh MZP General Hqrs. aiawhte pawhin thu an sawi bawk a ni.