3617/2023-2024

LUNGLEI;the 1st February, 2024: Vawiin chawhma dar 11:00 khan Lunglei district bawrhsap Pi Ramdinliani, IAS chuan Saizakawna 2 Mizo Bn. NCC Office campus din thar a tlawh. 2 Mizo Bn NCC hian Mizoram chhimlama College leh School-a NCC te training pek leh NCC inrelbawlna thil tul dang te a buaipui a ni.

Bawrhsap hi commanding Officer Col PK Singh chuan lo dawng sawngin, NCC chanchin leh hmalakna tlangpui a lo hrilh. Bawrhsap hovin NCC staff leh cadets te nen inkawmhona hun hmangin, nikum kum tawp lama NCC Directorate (North Eastern Region) in a buatsaih, India hmarchhak pumpuia NCC inhmuhkhawmna leh Adventure activities a zuk tel Gov’t College Lunglei-a NCC cadet te chawimawina hun a hmang bawk.

Bawrhsap Pi Ramdinliani chuan 2 Bn.NCC ten Mizoram chhimlam Thalai te tana an hmalakna chu chhuanawm a ti thu sawiin, hmalam an kal zelna turah duhsakna a hlan bawk a ni.