3616/2023-2024

Dated Siaha 1st February 2024 : Vawiin chawhma dar 11 khan DC Mini Conference Room- ah Pu Lalhmunsanga Hnamte, Deputy Commissioner kaihhruaiin District Consultative Committee/ District Level Review Committee/ District Level Security Committee- te chu Quarterly Meeting For September, 202- neiin an thukhawm a. Thutkhawm ah hian Lead District Manager & Convener, Lead Bank Office- Pu James M. Soren bakah Bank hrang hrang Manager -te leh Line Department hrang hrang aiawh te an tel a ni.

Pu Lalhmunsanga Hnamte chuan Bank hrang  hrangte chu mipuite mamawhna hriaa dawr nuam leh biak nuam taka hnathawk zel turin a chah a. Bank hrang hrangten scheme an neih ang ang mipui lo kawhhmuh hi sorkar laipui duhdan a ni a, mipuite chu a ti hlawhtling tu an ni tih hria a theihtawp chhuah a, loan mamawh tak tak leh dinchhuah tum te hnenah thleng ngei se a duh thu a sawi.

Pu Lalhmunsanga Hnamte chuan NPA (Non Performing Assets) ah pawh tanlak a ngaih thu leh Meeting leh ah chuan hei aia hniam zawk a beisei thu te a sawi a, Loan la zingah sawrkhar hnathawk loan rul thalo an awm thin thu report a awm chu pawi a tih thu pawh sawiin theih anga hmalak pui a inhuam thu a sawi a . Siaha District hmasawnna tura Bank-te leh Line Department-te hmalakna tur pawimawh zirlawkna lehkhabu NABARD buatsaih ‘Potential Credit Link Plan 2024-25’ chu Pu Lalhmunsanga Hnamte chuan meeting-ah hian a tlangzarh nghal a ni.

Pi Chiingaihkim Phiamphu, District Development Manager chuan Siaha District- tan Potential Credit Link Plan- ah hian cheng nuai 10312.65 a awm thu a tarlang a. He proect hi Line department leh Bank kaltlanga hmuh a nih tur thu sawiin inpekna nasa zawk nei turin meeting kalte chu a sawm a ni.

Vawiin thuthkhawm ah thil pawimawh hrang hrang sawiho nghal a ni a. Thurel langsar zual zingah venhimna chungchang te, Currency Management chungchang te, Pawisa deposit (CD Ratio) chungchang te, Annual Credit Plan Disbursement (Priority & Non Priority Sector) te, Non Performing Assets chungchangte, Progress report under Agriculture (KCC) te, Progress under SHG linkage- te sawiho a ni.