Vawiin khan Saikuti Hall, Lunglei ah Kala Utsav 2017, RMSA Luglei District buatsaih chu Pi Lalzarmawii IAS, Deputy Commissioner, Lunglei in a hawng.

Hawnna inkhawm hi Pu Lalramthianghlima, DEO & DPC, RMSA Mission, Lunglei District in a kaihhruai a, Khuallian Pi Lalzarmawii IAS chuan thusawiin India ram ah hian hnam hrang hrang kan awm a, hnam tin ten mahni hnam zia zai leh lam kan nei theuh a, Mizo pawh in kan pi leh pute hun atangin hnam zia zai leh lam kan nei a, khawvel lo changkang zelah kan hnam zia leh lam te kan theih nghil mai loh nan leh zirlai te rilru tih thawven nan hetiang programme hi India sorkar in a buatsaih a ni, a ti.

Kala Utsav hi 2015 atanga hman tan niin Theater play, music, dance leh visual art te a huam a, Lunglei District chu dance lama intihsiakna buatsaih tura ruat niin Cultural Dance Cheraw hmanga intihsiakna buatsaih a ni a. Kala Utsav 2017  hian an thupui ah National Integration( Hnam Inpumkhatna) niin Pair state atan Meghalaya state thlan a ni. Vawiin a hnam lam in elna tur ah hian Lunglei district High school atangin school 14 an tel ani.