1687/2023-2024

Lunglei the 29th, August' 2023: Deputy Commissioner leh Lunglei District Badminton Association buatsaihin ni li ( 29th August - 1st September 2023 ) chhung awhtur Lunglei District Inter Department Badminton Tournament 2023 chu vawiin khan Bazarveng Community Hall ah Lunglei Bawrhsap Pi Ramdinliani, IAS chuan a hawng.

Inter Department Badminton Tournament 2023 hawnnna inkhawm Pu Donny Lalruatsanga, Addl. Deputy Commissioner, Lunglei kaihhruaiah Pi Ramdinliani chuan sorkar department hrang hranga hnathawkte inhmelhriat leh inpawh that leh zual nana tih anih bakah sorkar hna kan thawh hona kawnga min ti phurtu a nih ngei a beisei a ni. Taksa a hrisel loh chuan rilru a hrisel thei lova, chuvangin kan taksa a lo hrisel zawk nan insawizawi kan mamawh thu a sawi a, he Badminton Tournament buatsaih atang hian awlsam zawk leh rang zawk a mipui tan hna thawh na ah awmze thui tak neih a ring a ni. Kan hma lawka Mizoram Legislative Assembly inthlanna lo awm turah khawi hmunah pawh duty thei tura in la fit turin a chah bawk.

He Tournament ah hian Department hrang hrangte  inkawp tirin team 15 siam a ni a, dicipline 9 a then  niin Bazarveng Community Hall leh Rahsiveng Indoor Stadium ah khelh a ni ang.