2655/2022-2023
Lunglei the 14th November' 2022: Lunglei District huamchhunga college zirlaite tana thiam thil hrang hrang online e-learning platform- IBM SkillsBuild kaltlanga zirna chu District Skill Committee, Lunglei District hmalaknain bultan a ni.

Kar hmasa lamah HATIM College, Mizoram Polytechnic leh Govt J Buana College ah te Orientation session hlawhtling tak kalpui anih hnuin vawiin khan Multipurpose Hall, Lunglei Govt. College ah CSRBOX leh Lunglei Govt. College Entrepreneurship Knowledge Cell te buatsaihin IBM SkillSbuild Orientation Session hun hman a ni.

He hun hi Pu K. Lalduhawma, Associate Professor, Lunglei Govt. College chuan kaihruaiin Resource Person Subham Naska, Project Associate chuan college zirlai ten CSRBOX an lo hmelhriata Online hmanga an thiamna te tihpun bakah kawng hrang hrang a eizawnna dap dan leh lo inbuatsaih lawk dan tur zirtirna a nei a. India ram ah thalai lehkhathiam hna hmu lo tam tak an awm thu sawiin Sorkar hna, Industry, sumdawnna lama zirlaiten hna an hmuh theih nan CSRBOX kaltlanga College leh school ah zirlai te tan a thlawna zirtirna pek anih tur thu a sawi bawk.

IBM Skillbuild Orientation Session hi hun hnih ah then a ni a, chawhma hunah hian 1styaer BA zirlai 200 leh chawhnu hun ah 1st Semester BSC zirlai 200 te tan zirtirna hi pek a ni. Orientation Session hi HATIM College, Mizoram Polytechnic leh Govt, J. Buana College ah te an lo neih pui tawh a ni.

He hmalakna kaltlang hian Lunglei District chhunga zirlai 3000 chuang ten online e-learning platform- IBM SkillsBuild kaltlangin thiam thil an zir dawn a ni.