Vawiin khan Department of AYUSH huaihawtin Lunglei Civil Hospital OPD kawtah ‘Yoga Day’ hman a ni a; Dr.Lalsanga, Medical Superintendent, Lunglei Civil Hopsital chuan inkhawm kaihruaiin Yoga chu taksa leh rilru insawizawi nan a tha a, khawvel hmun tinah Yoga-in zuitu ngah tawh avangin hnam leh hnam inkarah pawh remna leh muanni thlentu a nih theih a rin thu a sawi.

Dr.H.Malsawmtluangi, Medical Officer,Lunglei Civil Hospital chuan milem hmangin Yoga hmandan a sawifiah a; thisen sang, zunthlum, hnung na leh natna dang te a tidam thei a ni, a ti.

Nimin June ni 21 khan khawvel pumah 'International Yoga Day' hman a nih angin, Lunglei-ah pawh Govt High School Lunglei kawtah he Ni hi hman niin, a kal apiang hnenah Yoga chungchang zirtirna leh t-shirt an sem a ni.