Vawiin chawhnu khan Cheng nuai 22.4 senga sak Lunglei College Veng Community Hall chu Lunglei West bialtu MLA Pu Chalrosanga Ralte-in a hawng.

Hawnna inkhawm Lunglei BDO Dr.Malsawmtluanaga Fanchun kaihhruaiah Khuallian Pu Chalrosanga Ralte chuan thusawiin College Veng ten Hall tha tak an neih avangin a lawmpui thu leh Lunglei West Bialtu MLA ni thin Dr.R.Lalthangliana fund hrang hrang pawtkhawma sak a nih theih avangin a chungah pawh lawmthu a sawi a. Hall thar chu mahni ta anga enkawl tura chahin, Veng dangte pawn tangkai taka an hman theih nan duhsakna a hlan a ni. College Veng thlanmual kawng MGNREGA hnuaia laih mek chu motor kal theihna turin ruahman a ni ang a; MHIP enkawl ‘Creche Centre’ atan Cheng nuai 5 dah a ni ang, a ti bawk. College Veng YMA Hall pawh sak a nih theih nan hmalak a nih mek bakah a bial chhung Rahsi Veng MHIP In chu MP(Rajya Sabha) fund atanga Cheng nuai 6 hmanga sak mek a ni thu a tarlang bawk.

College Veng Comunity Hall Board Treasurer Pu K.Lalramthara’n report pein Hall sak hna hi kum 1999-ah hna tan a ni a; sorkar department hrang hrang - Rural Development, School Education, Enviroment & Forests, Mizoram State Sport Council bakah MP(LAD) leh MLA(LAD) atangin Cheng nuai 22.4 senga sak zawhfel a nih thu a tarlang a ni.

Attachment

  • Loading attachment...