No.1962/2021-2022

Lunglei SOP 23.08.2021.pdf

Aizawl the 23^rd August, 2021 – Covid-19 hrileng avanga inkhuahkhirhna kalpui mek chhunzawm zel dan tur leh District mipuite himna tura ruahmanna siam tulte ngaihtuah turin vawiin khan Lunglei DC Conference Hall-ah Deputy Commissioner Pu Kulothungan A kaihhruaiin meeting neih a ni. He meeting-ah hian a kaihhnawih sawrkar official-te, VC Association leh Sub Hqrs YMA hruaitute an tel a ni.

Lunglei DC leh DLTF Chairman ni bawk Pu Kulothungan A chuan Covid-19 do kawnga mawhphurhna neitute thawrimna zarah leh District mipuiten Covid-19 inkhuahkhirhna thupek kan zawm that avangin Lunglei District ah pawh case a tlahniam mek zel a ni, a ti a. Lunglei District-a COVID-19 case a tlakhniam deuh avanga inthlahdah nghal mai a thiang loh thu sawiin, tun hun hi COVID-19 hri inkaichhawng zel tur chhu chat tura tan kan lak hun pawimawh tak a ni, a ti a.  District mipuite chu fimkhur chhunzawm zel tur leh Covid Appropriate Behavior tha taka zawm turin a chah nawn leh a ni.

Lunglei CMO Dr LC Liana chuan report pe in tun dinhmunah Lunglei District-ah Covid Care Centre (CCC) hman lai paruk (6)  awm mekin veng/khaw sawm pakhat (11) ah 4C hawn mek a ni a, tun dinhmunah Covid-19 positive mahni ina inenkawl home isolation mi 33 an awm bawk a ni. January ni 16, 2021 atanga Vaccination kalpui pawh ngawrh taka chhunzawm zel niin tun dinhmunah Lunglei District-ah first 1^st dose 87,265 leh 2^nd dose 31,705 pek chhuah tawh niin a vaiin dose 1,18,970 pek chhuah tawh a ni.

Meeting-ah hian sakhaw biak in leh inkhawm chungchang te, sports practice te, gym hawn te, zirna in hawn leh thil pawimawh dangte rel ho niin Lunglei District chhungah 04.09.2021 zanlai dar 12:00 thleng partial lockdown puan a ni.