3169/2023-2024   

LUNGLEI; the 22nd December,2023: Tahrik ni 18/12/2023 zan khan Lunglei DC office buatsaihin Christmas Charity Night programme DC Bungalow  kawtah hman a ni.He programme-ah hian  Head of Office te bakah, LMC hotute,MJA te, tlawmngai pawl hrang hrang hruaitute, LC hruaitute leh Lunglei prominent citizen te sawm an ni a. DC office staff ten eitur tui hnai tak tak leh Coffee  te siamin, chung eitur leh Coffee te chu sawmbik ten man to tak takin an lei sak hlawm a. Chung pawisa tling khawm Rs.1,01,780/- leh Lunglei district-a Officer, Charity  Night a tel hman hman lo, mahse Krismas thilpek atana thawhlawm Gpay/E-transfer  hmanga thawhlawm rawn thawh te thawh tangka tling khawm Rs.39,800/- chu  Lunglei town Area chhunga veng hrang hrang 21 atanga  tanpui ngai  chhungkaw khat zel, Branch YMA te kaltlanga  Sub_ Hqrs YMA ten an lo thlanchhuah te hnenah semchhuah a ni.

He mi semchhuak tur hian Lunglei Officers' Club member te chu Team 4-ah in thenin, Lunglei Town area chhunga veng 21-a Branch YMA ten an lo thlanchhuah tawh chhungkaw khat  zel te hnenah krismas thilpek hi an sem chhuak a ni.

Lunglei DC Pi Ramdinliani chuan Krismas thilpek semchhuak thei tura hma la tu zawng zawng leh mi inphal  Lunglei district chhunga officer te leh prominent citizens te hnenah lawmthu a sawi mawlh mawlh a ni.